Monitro Larymau

Mae Cyngor Caerdydd wedi datblygu Canolfan Derbyn Galwadau Larymau Categori 1 fodern lle mae’r Tîm Gwasanaeth 24/7 yn gweithredu Teleofal Caerdydd, gwasanaeth Concierge Tai, Gwasanaethau Warden Lleol a’r gwasanaethau Diogelwch ac Ymateb. Mae’r system Camerâu Cylch Cyfyng yn cynnwys monitro ardaloedd cyffredin o bellter o ystafell reoli ganolog gan dîm staff cyfeillgar 24 awr y dydd, 7 diwrnod yr wythnos.
Caiff y camerâu eu rheoli a’u monitro ar y pryd, felly mae’n bosibl ymateb yn addas i unrhyw ymddygiad gwrthgymdeithasol.  Cedwir yr holl ddeunydd fel bo’n addas er mwyn ei gael fel tystiolaeth, yn unol â rheoliadau safon cenedlaethol.

Camerâu Cylch Cyfyng ac Ymateb

Mae ein hystafell reoli’n monitro cannoedd o gamerâu yng Nghaerdydd, 24 awr y dydd, 365 diwrnod y flwyddyn. Mae Camerâu Cylch Cyfyng wedi dod yn ddull sicrhau diogelwch ac atal trosedd pwysig. Mae camerâu yn casglu delweddau sy’n mynd i ddyfais recordio lle gellir eu gwylio, eu hadolygu a/neu eu storio.
Mae gan ein swyddogion gysylltiad uniongyrchol â’r heddlu felly mewn argyfwng, mae modd i ni anfon ein wardeiniaid allan er mwyn sicrhau ymateb cyflym, uniongyrchol a rheoledig i unrhyw sefyllfa sy’n codi nes daw’r Gwasanaethau Brys.

Gwasanaethau Cadw Allweddi

Mae ein Canolfan Derbyn Larymau yn cynnig gwasanaethau cadw allweddi.  Mae ein swyddogion cymwys sydd wedi’u trwyddedu gan Awdurdod y Diwydiant Diogelwch ar gael 24 awr y dydd, 365 diwrnod y flwyddyn i ddod i’ch eiddo mewn argyfwng.
Gall swyddogion ymateb ymroddgar y Ganolfan nôl allweddi o leoliad diogel, felly gallwch chi deimlo’n ddiogel o wybod bod modd i rywun ddod atoch waeth beth fo’r amgylchiadau.

Wardeiniaid yr Adeilad

Mae gweithwyr diogelwch yn hollbwysig er mwyn diogelu’r adeilad, aelodau a’r gweithwyr felly mae gwybod bod y bobl orau oll yn gofalu amdanoch yn tawelu’r meddwl. Mae wardeiniaid adeilad y Ganolfan yn cynnig sicrwydd 24 awr y dydd, 365 diwrnod y flwyddyn i’n cwsmeriaid. Os oes sefyllfa’n codi, neu larwm yn seinio yn eich adeilad neu yn eich busnes, byddai’r tîm rheoli’n anfon swyddog ADD wedi ei hyfforddi er mwyn sicrhau ymateb cyflym, yn syth bin.

Rheoli Mynediad

Gall y Ganolfan gynnig gwell rheolaeth dros pwy all ddod i’r adeilad, trwy adael i chi atal pobl rhag mynd a dod yn electronig. Mae’r tîm diogelwch wrth law i sicrhau eich bod chi a’ch teulu yn ddiogel.  Mae Rheoli Mynediad yn cynnig diogelwch personol gwell ond gall hefyd fonitro cofnodion amser a phresenoldeb.

Larymau ac Ymateb

Rydym yn cynnig ystod eang o larymau tresbaswyr a thân er mwyn ateb gofynion eich cyllideb a’ch adeilad er mwyn cadw’r cyhoedd a’r gweithle’n ddiogel. Mae ein systemau wedi eu dylunio’n arbennig ar eich cyfer a gallant ateb gofynion cwmnïau yswiriant.

Er eich Diogelwch

Mae ein canolfan ymroddgar yn cynnig Camerâu Cylch Cyfyng, diogelwch, larymau tân ac amgylchedd. Rydym yn rhoi sicrwydd meddwl i chi o ran ymwelwyr, cyflogai, asedau ac eiddo.

Gallwch ymddiried yn nhîm y Ganolfan, sy’n ddiduedd ac yno i chi bob amser.